Carta Certificada Urgente (Gutun Ziurtatu Urgentea)

Bidali aurretik 

Gutun ziurtatua da dokumentu garrantzitsuak edo datu pertsonalak dituztenak bidaltzeko aukerarik onena, horiek ia argiaren abiaduran bezain azkar iristea nahi duzunean.

• Segurtasun handiena: zure bidalketak, guretzat, zuretzat bezain garrantzitsuak dira. Horregatik, barra-kode bakar baten bidezko lokalizazio-sistema diseinatu dugu, gutun ziurtatu bakoitzari eransteko.
• Bermeekin: entregatzen denean, hartzaileak bidalketa jaso aurretik sinatu beharko du. Ezin badiogu entregatu, ohar bat utziko diogu postontzian, 15 eguneko epean gertuko bulegora jasotzera joan dadin.
• Zure lasaitasunerako: zure eskaera jarraitu ahal izango duzu bidalketa-bilatzailearen ataletik, doan.
• Zure beharretara egokitua: bidalketa ziurtatua Espainiako eta nazioarteko bidalketetarako erabil daiteke, bai online, bai gure bulegoetatik.

Zeuk aukeratzen duzu bilgarri hoberena, neurri hauek dituzu eskura:

Gehienez:

• Gutun-azala edo kutxa: Luzera + Altuera + Zabalera = 90 cm; neurri batek ere ezin du 60 cm gainditu.
• Biribilkia edo hodia: Luzera + bi aldiz diametroa = 104 cm, eta neurri batek ere ezin du 90 cm gainditu.

Gutxienez:

• Gutun-azala edo kutxa: 14 x 9 cm.
• Biribilkia edo hodia: Luzera + bi aldiz diametroa = 17 cm, eta neurri batek ere ezin du 10 cm baino txikiago izan.

Zerbait txikiagoa bidali nahi baduzu, ez zaitez kezkatu, nahikoa duzu 10 x 7 cm-ko etiketa bat eranstearekin, bertan helbidea eta frankeoa adierazita.

Garrantzitsua! Gogoratu gutun ziurtatuek ezin dutela 2 kg baino gehiago izan.

Dagoeneko, zure bidalketa ia prest egongo da; nora bidali nahi duzun esatea besterik ez duzu: 

• Oso garrantzitsua da zure datuak eta hartzailearenak bilgarrian argi jarrita egotea, ikusteko moduan.
• Zure bidalketa nazionala bada, “CERTIFICADO” adieraziko da etiketan, eta etiketa hori paketearen aurrealdeko goiko ezkerreko izkinan jarri beharko duzu.
• Bidalketa nazioartekoa izanez gero, “RECOMMANDÉ / CERTIFICADO” eta “PRIORITARIO / PRIORITY” adieraziko da etiketan, eta leku berean kokatu beharko da. Hemen bertan etiketa sortu eta ordaindu dezakezu.

Mi Oficina-n pakete, gutun edo dokumentu guztien bidalketa kudeatu ahal izango duzu. Erraz jarriko dizugu, eta edozein bidalketa egin aurretik kontuan hartu beharreko xehetasun guztiak azalduko dizkizugu.

Hasteko, zure bidalketari izena eman ahal izango diozu, hobeto gogoratzeko eta “Nire Kontua” atalean erraz aurkitzeko. Oso garrantzitsua! Gogoratu derrigorrezko datu guztiak bete behar dituzula prozesuan aurrera egin ahal izateko. Zure bidalketaren izena prest dagoenean, burofaxa nola prestatu nahi duzun eta edukia zehaztu beharko duzu. Prestatzeko, prest duzun dokumentu bat erants dezakezu, edo, bestela, une horretan online idatzi. Azken aukera hori hautatzen baduzu, ez ahaztu “Bistaratu” sakatzea, bidalketa egin dezagun.

Ondoren, hartzaileari eta zure bidalketaren ezaugarriei buruzko informazioa osatu beharko duzu. Hasieratik bete ahal izango duzu, hartzaile zehatzak dituen dokumentu bat inportatuz, edo aurreko bidalketen artean hartzaile bat aukeratuz. Zehaztutako hartzaileak plataforman erregistra ditzakezun ohiko kontaktuak dira. Mi Oficina-ren bidez gure helburua da zure bidalketen kudeaketa erraztea eta bizkortzea.  Zalantzak al dituzu? Ikusi nola inportatu fitxategi bat edo berreskuratu hartzaileak.

Honaino iritsi zarenean eta zure burofaxa zuzenean Mi Oficina-n idaztea erabaki baduzu, formatua editatu eta diseinuak erabili ahal izango dituzu, mezua zure komunikazioaren beharretara egokitzeko. Aurreko urratsean emandako datuak ordezkatzeko iturriak eta etiketak erabil ditzakezu edukia ikustean.

Zuk aukeratuko duzu bidalketen estaldura osoa. Horregatik, zure bidalketa osatzeko zerbitzu gehigarri hauek eska ditzakezu:

• Hartu-agiria: Dokumentu telegrafikoa jaso izanaren idatzizko jakinarazpena emango dizugu. Horrela, bidalketaren hartzailea eta biltzeko data eta ordua jasota geratzen dira
• Kopia ziurtatua: Bidaltzailea bazara, gorde Burofax edo Telegrama bidez bidali duzun kopia kautotua. Bidalketa egiten duzun unean edo geroago eska dezakezu zerbitzu hori. Legezko balioarekin hirugarrenen aurrean
• Zaintza 60 eta 120 hilabetez: Eskatu zure bidalketa denbora gehiagoz gordetzea, 60 eta 120 hilabete bitartean, epe horretan edukia ziurtatzea eskatu behar badiguzu
• Entregaren Froga Elektronikoa (PEE): Entrega ziurtatuaren frogagiri digitala.

Zure bidalketaren ezaugarriak betetakoan, datu guztiak fitxategi batera edo zure helbide elektronikora esporta ditzakezu, hurrengo bidalketetan erabiltzeko eta prozesua erosoagoa izan dadin. Gogoratu bidalketen zerrendan hartzailea markatu behar duzula. Ez ahaztu! Fitxategi bat hainbat hartzailerekin inportatu baduzu, burofax bakoitzak hartzaile horietako bat bakarrik izango du, jakinarazpena pertsonala baita.

Prozesu osoa amaitzen duzunean azken laburpena ikusiko duzu, eman dizkiguzun datu guztiak ziurtatzeko. Urrats honetan, sartutako edozein datu alda dezakezu.

Beste une batean bidalketa-prozesuarekin jarraitu nahi baduzu, ez dago arazorik. Egin klik “amaitu geroago” botoian bidalketako datu guztiak gordetzeko eta nahi duzunean amaitzeko.