Paq Estándar

Antes de realizar o teu envío 

Responsable e eficiente! Este tipo de envío é a nosa modalidade de mensaxería máis sostible e respectuosa co ambiente: reduce as emisións e a pegada ambiental. Conseguímolo optimizando as rutas de repartición e agrupando envíos ata que o transporte está cheo. Non todo é urxente, pero coidar o Planeta si.

Aínda que esta é a nosa opción para envíos sen urxencia, non significa que os envíos non sigan sendo áxiles. Dependendo da orixe e o destino, tardarán só entre 48 e 72 horas en chegar ao seu destinatario.

• Flexibilidade: realizamos dous intentos de entrega ao domicilio especificado e no prazo garantido. Se o prefires, tamén poderás recoller o teu envío nas nosas oficinas ou Citypaqs públicos ou privados. Se non podemos realizar a entrega, deixamos un aviso na caixa de correo indicando a oficina na que poderás recollelo durante 15 días hábiles. Finalmente, se non conseguimos cumprir o prazo acordado, devolvémosche a tarifa aboada.
• Inclúe Modify: podes modificar con facilidade a entrega dos teus envíos dende a comodidade do teu ordenador ou móbil en función das túas necesidades. Non só iso, con Modify podes elixir se queres que o destinatario poida facer cambios e, nese caso, podes elixir cales. Poderás elixir esta opción para todos os envíos nacionais a domicilio.
• Pola túa tranquilidade: para nós, o teu envío é tan importante como para ti. Por iso, poderás seguir o seu estado e localización en todo momento. Non importa se es o emisor ou o destinatario, ambos os dous teredes acceso á información en todo momento.
• Preto de ti: Poderás enviar o Paq estándar a todo o territorio nacional, incluíndo Andorra e Portugal peninsular.
  

Ti elixes a embalaxe perfecta! Temos unha gran variedade de produtos que se adaptan ás túas necesidades, tanto na nosa tenda online coma nas nosas oficinas de Correos.

Só precisamos que o tamaño se adapte a estas medidas:

Como máximo:

• Caixa: Longo + Alto + Ancho = 210 cm, sen que ningunha supere os 120 cm.
• Rolo ou tubo: Longo = 120 cm e diámetro = 30 cm.

Se queres enviar algo máis grande, non te preocupes, engade un Máximo Extra só por un pouco máis de custo:

• Longo + Alto + Ancho = 270 cm por un 35 % máis. 
• Ningunha das medidas pode superar os 170 cm por un 35 % máis.

Ou engade as dúas dimensións extra por un 70 % máis!

Como mínimo:

Caixa: 15 x 10 cm.

Rolo ou tubo: as dimensións que permitan adherir unha etiqueta de 10 x 14,5 cm.

Importante! Lembra que ningún paquete supere os 30 Kg de peso real.

Unha vez que chegues a este paso... Só queda que nos digas onde queres que o levemos!

• Domicilio: Se elixes esta opción garantímosche dous intentos de entrega baixo sinatura. Se non puidésemos realizalo, o destinatario poderá ir a recollelo á súa oficina de Correos de referencia nun prazo de 15 días. Esta opción estará dispoñible tanto para clientes particulares coma con contrato e é o único método de envío apto para Portugal. 
• Elixe a túa oficina: podemos enviar o teu paquete á oficina que elixas. Só debe ter un punto de entrega de paquetería e nós gardarémolo para a súa recollida durante 15 días. Avisamos o destinatario da chegada do paquete mediante unha SMS ou email. Tamén lle enviamos recordatorios no caso de non se levar a cabo a recollida. Non pode ser máis doado!
• Oficina máis próxima: con esta opción, a entrega do paquete realízase na oficina de Correos máis próxima ao domicilio que nos indicases, onde o destinatario poderá ir a recoller o seu paquete nun prazo de 15 días. Avisaremos o destinatario con dúas SMS ou email para que saiba que o seu paquete está listo para recoller. O segundo SMS recibirase aos 5 días de recibir o primeiro.
• Citypaq con esta opción entregamos o teu envío nun dos múltiples despachos intelixentes de Correos que hai situados por toda a cidade. Así, non terás que preocuparte dos horarios. Estes despachos están operativos as 24 horas do día. 

Lembra! Os teus datos e os do destinatario deben estar nun lugar visible sobre a embalaxe. 

Se queres axilizar aínda máis o trámite, podes xerar a etiqueta de envío e o pagamento dende o teu ordenador ou móbil.

Que é o peso volumétrico?

Consellos para unha boa embalaxe 

Precisas embalaxe? Cómpraa na nosa Tenda Online

Coñece máis sobre o Paq Estándar

Dentro de Mi Oficina poderás xestionar o envío de todos os teus paquetes, cartas ou documentos. Poñémoscho doado e explicámosche todos os detalles a ter en conta antes de calquera envío.

Para comezar, poderás darlle un nome ao teu envío, para lembralo mellor e velo con facilidade dende o apartado “a Miña Conta”. Moi importante! Lembra que debes completar todos os datos obrigatorios para poder avanzar no proceso. Unha vez que o nome do teu envío estea listo, deberás elixir como queres preparar o teu burofax e especificar o seu contido. Para preparalo, podes achegar un documento que xa tiveses listo ou ben redactalo no momento de forma online. Se elixes esta última opción, non esquezas facer clic en “Visualizar” para que poidamos proceder co envío.

O seguinte será completar a información sobre o destinatario e as características do teu envío. Poderás completalo dende cero, importando un documento con destinatarios definidos ou, elixindo o destinatario de envíos anteriores. Os destinatarios definidos son aqueles contactos habituais que podes rexistrar na plataforma. O noso obxectivo con Mi Oficina é que a xestión dos teus envíos sexa máis doada e rápida.  Tes dúbidas? Descubre como importar un ficheiro ou recuperar destinatarios.

Unha vez que chegues ata aquí e se decides escribir o teu Burofax directamente en Tu Oficina, poderás editar o formato e utilizar diferentes tipos de deseños que se axusten ás necesidades da túa comunicación. Poderás utilizar distintas fontes e diferentes etiquetas que substituirán os datos proporcionados no paso anterior cando visualices o contido.

Ti elixes a cobertura total dos teus envíos. Por iso, poderás solicitar os seguintes servizos adicionais para que o teu envío sexa aínda máis completo:

• Aviso de Recibo: Confirmámosche por escrito a entrega do teu documento telegráfico para que quede constancia tanto da persoa que o recibiu como da data e hora da recollida
• Copia certificada: Como remitente, quede cunha copia autenticada da súa comunicación enviada por Burofax ou Telegrama. Pode solicitar este servizo no momento da imposición do envío ou posteriormente. Con validez legal fronte a terceiros
• Custodia de 60 e 120 meses: Solicita que gardemos o teu envío durante máis tempo, dende 60 a 120 meses, por se durante ese prazo necesitas pedirnos unha certificación de contido
• Proba de Entrega Electrónica (PEE): Xustificante dixital da entrega certificada.

Cando completes as características do teu envío, poderás exportar todos os datos a un ficheiro ou ao teu email para usalo en futuros envíos e que o proceso sexa aínda máis cómodo. Lembra sinalar o destinatario na lista de envíos. Non o esquezas! Se importaches un ficheiro con varios destinatarios, cada burofax só poderá conter un deses destinatarios xa que se tratará dunha notificación persoal.

Cando remates todo o proceso xerarase un resumo final no que poderás revisar todos os datos que nos proporcionaches. Neste paso poderás modificar calquera dos datos que tiveses introducido.

Se precisas continuar co proceso de envío noutro momento, non hai ningún problema. Fai clic en “concluír máis tarde” para gardar todos os datos do envío e rematalo cando poidas.