Paquete Azul

Antes de realizar o teu envío 

Precisas enviar un paquete moi grande?  Se a resposta é afirmativa o Paquete azul é a túa mellor solución:

• Máxima seguridade: rexistramos e identificamos de xeito individual cada paquete, independentemente de se os envíos teñen ou non valor comercial.
• Con garantías: realizamos un intento de entrega a domicilio baixo a sinatura do destinatario. Se non se puidese entregar, poderás solicitar un novo intento de forma gratuíta cunha chamada de teléfono. Se non podemos realizar a entrega, deixamos un aviso na caixa de correo indicando a oficina na que poderás recollelo durante 15 días hábiles 
• Pola túa tranquilidade: poderás seguir a localización dos teus envíos en todo momento co noso localizador (incluír ligazón a localizador https://www.correos.es/es/es/herramientas/localizador/envios) ou vía telefónica. Non importa se es o emisor ou o destinatario, ambos os dous poderedes estar informados en todo momento.
• Adaptado ás túas necesidades: poderás enviar o teu paquete a todo o territorio nacional, incluíndo Andorra. Só debes asegurarte de que non supere os 20 Kg.

Ti elixes a embalaxe perfecta! Temos unha gran variedade de produtos que se adaptan ás túas necesidades, tanto na nosa tenda online coma nas nosas oficinas de Correos.

Só precisamos que o tamaño se adapte a estas medidas:

Como máximo:

• Caixa: Longo + Alto + Ancho = 200 cm, sen que ningunha supere os 100 cm.
• Rolo ou tubo: Longo = 100 cm e Diámetro = 15 cm.

Como mínimo:

• Caixa: 14 x 9 cm.
• Rolo ou tubo: Longo + dúas veces o diámetro = 17 cm, sen que ningunha sexa inferior a 10 cm.

Se queres enviar algo máis pequeno, non te preocupes, só terás que engadirlle unha etiqueta de 10 x 7 cm na que apareza o enderezo e o franqueo.

Importante! Ningún paquete debe superar os 30 Kg de peso real nin os 50 Kg de peso volumétrico.

Lembra que o peso volumétrico é o peso dun paquete, pero tendo en conta as súas dimensións. Para calcular as nosas tarifas utilizamos esta medida en vez do peso real, xa que as dimensións son un factor moi importante á hora de transportar a paquetería. 

En Correos aplicamos o criterio peso/volume entre 167kg/m³ no momento da admisión do paquete, seguindo a seguinte fórmula: longo x alto x ancho en cm / 6.000.

O teu paquete estará case listo, só precisamos saber onde queres que o levemos.

Lembra! Os teus datos e os do destinatario deben estar nun lugar visible sobre a embalaxe. 

Se queres axilizar aínda máis o trámite, podes xerar a etiqueta de envío e o pagamento dende o teu ordenador ou móbil.

Coñece máis sobre o Paquete azul

Dentro de Mi Oficina poderás xestionar o envío de todos os teus paquetes, cartas ou documentos. Poñémoscho doado e explicámosche todos os detalles a ter en conta antes de calquera envío.

Para comezar, poderás darlle un nome ao teu envío, para lembralo mellor e velo con facilidade dende o apartado “a Miña Conta”. Moi importante! Lembra que debes completar todos os datos obrigatorios para poder avanzar no proceso. Unha vez que o nome do teu envío estea listo, deberás elixir como queres preparar o teu burofax e especificar o seu contido. Para preparalo, podes achegar un documento que xa tiveses listo ou ben redactalo no momento de forma online. Se elixes esta última opción, non esquezas facer clic en “Visualizar” para que poidamos proceder co envío.

O seguinte será completar a información sobre o destinatario e as características do teu envío. Poderás completalo dende cero, importando un documento con destinatarios definidos ou, elixindo o destinatario de envíos anteriores. Os destinatarios definidos son aqueles contactos habituais que podes rexistrar na plataforma. O noso obxectivo con Mi Oficina é que a xestión dos teus envíos sexa máis doada e rápida.  Tes dúbidas? Descubre como importar un ficheiro ou recuperar destinatarios.

Unha vez que chegues ata aquí e se decides escribir o teu Burofax directamente en Tu Oficina, poderás editar o formato e utilizar diferentes tipos de deseños que se axusten ás necesidades da túa comunicación. Poderás utilizar distintas fontes e diferentes etiquetas que substituirán os datos proporcionados no paso anterior cando visualices o contido.

Ti elixes a cobertura total dos teus envíos. Por iso, poderás solicitar os seguintes servizos adicionais para que o teu envío sexa aínda máis completo:

• Aviso de Recibo: Confirmámosche por escrito a entrega do teu documento telegráfico para que quede constancia tanto da persoa que o recibiu como da data e hora da recollida
• Copia certificada: Como remitente, quede cunha copia autenticada da súa comunicación enviada por Burofax ou Telegrama. Pode solicitar este servizo no momento da imposición do envío ou posteriormente. Con validez legal fronte a terceiros
• Custodia de 60 e 120 meses: Solicita que gardemos o teu envío durante máis tempo, dende 60 a 120 meses, por se durante ese prazo necesitas pedirnos unha certificación de contido
• Proba de Entrega Electrónica (PEE): Xustificante dixital da entrega certificada.

Cando completes as características do teu envío, poderás exportar todos os datos a un ficheiro ou ao teu email para usalo en futuros envíos e que o proceso sexa aínda máis cómodo. Lembra sinalar o destinatario na lista de envíos. Non o esquezas! Se importaches un ficheiro con varios destinatarios, cada burofax só poderá conter un deses destinatarios xa que se tratará dunha notificación persoal.

Cando remates todo o proceso xerarase un resumo final no que poderás revisar todos os datos que nos proporcionaches. Neste paso poderás modificar calquera dos datos que tiveses introducido.

Se precisas continuar co proceso de envío noutro momento, non hai ningún problema. Fai clic en “concluír máis tarde” para gardar todos os datos do envío e rematalo cando poidas.